Бул вирус өмүрүбүздө биринчи жолу болгондуктан бардыгыбызга коркунучтуу абал болду. Бирок мен үй бүлөм менен бул абалга багынып калган жокмун. Тескерисинче биз буга туруштук бердик.

Тасма айылынын тургуну Садабаева Элмиранын айтуусу боюнча:
«Бул вирус өмүрүбүздө биринчи жолу болгондуктан бардыгыбызга коркунучтуу абал болду.Бирок мен үй бүлөм менен бул абалга багынып калган жокмун.Тескерисинче биз буга туруштук бердик.Карантинде үйдө бош отурбастан кыздарым менен кызыктуу жумуштарды жасап баштадык.Жумушка алаксып вирусту дагы унутуп, өзүбүздү бош алып жүрдүк.Жолдошум балам менен сырткы короо жай менен алек болду.Мен кыздарым менен карагат,малина терип балдарыма кыям жасап бердим,карагатта С витамини көп болот эмеспи ошондой эле кампот жабтык,муздак суунун ордун кайнак суу менен жасалганы кампот балдарыма пайдалуу.Мындан сырткары үй ичинен кыздарыма сайма сайганды жана түрдүү тамак-аштарды жасаганды үйрөттүм.Балдарым бир маал олтурушуп жазуу жазып, китеп окуп, гүл жасап ар түрдүү кызыктуу иштерге алаксышат.Ошентип карантинде жолдошум экөөбүз убактыларыбызды балдарыбыз менен өткөрдүк» деп билдирди.

11-классынын окуучусу Темирова Назминин айтуусунда:
«Вирус жүрүп жаткандыгына байланыштуу карантинде үйдө бош олтура бербей ар түрдүү гүлдөрдү жана башка нерселерди көп жасадым жана үйгө гүл өстүрүп,апамдан сайма сайганды дагы үйрөндүм.Озум дагы гүлдөргө аябай жакынмын.Өзүм үйрөнгөндөрдү сиңдилериме дагы үйрөттүм.Көбүнчө апама жардам берип жаттым.Карантинде үй бүлөм менен көптөгөн кызыктуу күндөрдү өткөрдүм.


Даярдагандар: Гүлназ Жумагулова, Сезим Темирова.