«Башында оору башталганда бул нерсеге эч кимиси деле маани беришпей кайдыгер мамиле жасап келишкен. Качан гана өзүлөрү ооруп, кыйналганда түшүнүп, өзүлөрүнө сак болуп калышты»

«Биз эртең менен саат сегиз жарымда жумушка келебиз. Келээрибиз менен эле кабинеттерибизди тазалап жумушка киришебиз.
Күнүнө бизге кайрылгандардын саны он бешке жакын болуп атат. Айрыкча сасык тумоо менен ооругандар көбүрөөк кайрылып атышат жана жөтөлгөндөр, температура болгондор.
Азыркы учурда ар кандай курактагы адамдар кайрылышат. Кичине балдардан баштап каарыган адамдарга чейин. Биз июль айындагы COVID учурунда 3,4 күнгө чейин кичине кыйналдык. Эртең мененки сегизден кечки сегизге чейин иштеп калган учурлар болду. COVID оорусу башталганда атайын костюмдар келген, ошол костюмдарды эртең менен кийингени кечкиге чейин кийип жүрүү бизге кыйын болду.

«COVID-19 башталганда атайын костюмдар келген, эртеден кечке кийип жүрүү бизге кыйын болду»

Андан кийин көнүп калдык азыр жеңил эле сезилип калды. Андан тышкары даарыларыбыз келип, айыл тургундары да дары-дармек алып жардам беришти.

«Айыл тургундары дагы даары дармек менен жардам беришти»

Бул жерден капельница коюп, укол сайып колубуздан келген жардамыбызды берип жаттык. Ошол убактарда күнүнө жыйырмадан ашык адам кайрылып жатышкан

«Оору учурунда үч төрт күнгө чейин кыйналдык»

Бирок көп деле кыйынчылык болгон жок.
Азыркы учурда келгендердин үч-төртөө суук тийип пневмания менен ооруп келгендер. Аларды деле фаптан өзүбүз дарылап сакайтып атабыз. Башында оору башталганда бул нерсеге эч кимиси деле маани беришпей кайдыгер мамиле жасап келишкен. Качан гана өзүлөрү ооруп, кыйналганда түшүнүп, өзүлөрүнө сак болуп калышты. Жергиликтүү тургундарга түшүндүрүү иштери азыркыга чейин байма бай жүргүзүлүп келет.
Даярдагандар: Гүлназ Жумагулова, Айгерим Карыпбекова.