Тасма айылында жүндөн жасалган ар кандай өзгөчө буюмдарды жасоону кыздарга үйрөтүү үчүн атайын чакан кружок өтүлүүдө. Мектеп окуучуларына сабактан сырткары «Седеп» деген аталышта кол өнөрчүлүк окуусуна кыздар катышып жатышат. Аны «Седеп» деп аташып, үйдөн кийген бут кийимди, үйдү кооздочу буюмдарды, ар кандай аксессуардарды, ар кандай буюмдарды жасоону үйрөнүшөт.

Седеп ийриминде кыздар өзүлөрүнө керектүү нерселерди үйрөнүп алуусу үчүн ачылганын айтат ийримдин жетекчиси Кундуз Шалтабаева:
«Мен кичинекей кезимде эле жүндөн ар кандай буюмдарды жасоого кызыктым. Кийинчерээк жүн менен иштөөнү үйрөндүм. Азыркы учурда кыздарга үйрөтүүдөмүн. Бул ийримде он эки кыз бар. Жүн менен гана иштөөнү үйрөтпөстөн, сайма сайууну дагы алып кетип атабыз. Кыздар дагы кызыгуу менен катышышууда. Катышкандар эч кандай акча төлөшпөйт. Керектүү болгон буюмдарды алып келишет».

5-класстын окуучусу Саёра Шаяхматова:
«Мен бул жакка кол өнөрчүлүккө абдан кызыккандыгым үчүн келдим. Бул жакка келип жүндөн өтүк жасаганды үйрөндүм. Кыйынчылыктар дагы болгон жок. Бардык кыздар ушул жакка келип катышса жакшы болот эле. Көптөгөн жакшы нерселерди үйрөнө алышат деп ойлойм».

Даярдагандар: Айназик Кубатбекова, Айтунук Токторова.